यस दस्तावेजमा प्रस्तुत गरिएका सूचना र तथ्याङ्कहरू ATOS डेनमार्कको सहयोगमा त्रीभूवन विश्वविद्यालयको शिक्षा विभाग र RCRD सँगको सहकार्यमा सन २०२२ मा गरिएको एक अध्ययन प्रतिवेदनबाट लिइएका हुन । बालबालिकालाई उनीहरूको परिवार, बाबुआमा र समुदायबाट अलग्याउन वा अलग्याएर शिक्षा वा संरक्षणका नाममा संस्थागत हेरचाहमा राख्न नपाईने राष्ट्रिय तथा अन्तर्राष्ट्रिय कानुनी प्रावधानहरूको बाबजुद नेपालमा धेरै अपाङगता भएका बालबालिका अहिले संस्थागत हेरचाहमा रहेका छन् । ६ जिल्लाका ६ वटा स्रोतकक्षाहरूमा गरिएको यो अध्ययन खास गरेर संस्थागत हेरचाहमा रहेका अपाङगता भएका बालबालिकाको अवस्था र उनीहरूलाई समुदायमा पुनर्स्थापित गर्ने विषयमा केन्द्रित छ ।
